கொஞ்சம் சாகவிடுங்கள்

நல்லது கெட்டதென
என்னதான் இருக்கிறதென
நஞ்சு குடித்தேன்
கழுத்தை எப்படி மறந்தேன்
கைகழுவியவனுக்கு
நன்றி சொல்லி
மௌனமாய்ச் சிலுவைப்பட்டேன்
மூன்று நாளாகியும் ஏன் சாகவில்லை
துயரம் களையத்தான்
தவமிருந்தேன்
உடல் உகுத்த பின்னும்
இப்படி ரவை நிரப்புகிறீர்கள்
என்னைக் கொஞ்சம்
சாகவிடுங்கள்.

12.01.2017

விடு தேவி

கழுத்துப் பிடியை
விடு தேவி

தலையில் நீரூற்றி
வரங்கள் பிடுங்கியோர்
மனமுவந்து ஈந்ததிது

விழுங்கியாக வேண்டும்.

சாதல் இனிது

நன்றி: யாவரும்.காம்

கயிற்றை விடவும் கழுத்தை 
நெரிக்கிறது

கத்தியை விடவும் ஆழத்தில் 
அறுக்கிறது

நஞ்சை விடவும் மெல்ல 
அடைக்கிறது

கடலை விடவும் கணத்தில் 
இழுக்கிறது

இரயிலை விடவும் எங்கோ 
எறிகிறது வாழ்வு

ஆகவே சாகவில்லை.

- யுவபாரதி