சும்மாயிருங்களேன்

இன்றும் பார்வையுள்ள இரண்டு கண்கள்
இக்கணம் வரை மூச்சுவிட்டிழுக்கிற ஒரு மூக்கு
வாய்க்குள் சுருண்டிருக்கிற ஒரே ஒரு நாக்கு
இதுவரை தாமாய் உதிராத முப்பத்திரண்டு பற்கள்
சுற்றும் முற்றும் திரும்ப முடிகிற ஒரு கழுத்து
துடித்துக் கொண்டேயிருக்கிற துவண்ட இதயம் ஒன்று
வயிறு குறி ஒன்றொன்று கை கால்கள் இரண்டிரண்டு

பிடுங்கப்பட வேண்டாம்
நசுக்கப்பட வேண்டாம்
நறுக்கப்பட வேண்டாம்
நொறுக்கப்பட வேண்டாம்
இறுக்கப்பட வேண்டாம்
குத்தப்பட வேண்டாம்
கிழிக்கப்படவும் துண்டிக்கப்படவும் வேண்டாம்

கையே நாக்கே
உங்களுகாகவும்தான் சொல்கிறேன்
சும்மாயிருங்களேன்.

21.01.2017