துரத்திவரட்டும் இருள்

இரவின் நீளத்தை அளந்து சொல்லென
யார் தூண்டியிருக்கக் கூடும்
தொடக்கப் புள்ளி தொட்டு
அதன் தோலில் விரல் தீற்றியபடி
ஓடிக் கொண்டிருக்கிறேன்

மேலும் மேலும் கருத்து
பாதை இருளச் செய்ய
யார் தூண்டியிருக்கக் கூடும்
தீற்றிய விரலால் துழாவியபடி
ஓடிக் கொண்டிருக்கிறேன்

பனியும் வியர்வையுமான பாதையில்
இரும்பு முட்கள் முளைவிக்க 
யார் தூண்டியிருக்கக் கூடும்
காலடிக் குருதி துப்பியபடி
ஓடிக் கொண்டிருக்கிறேன்

இன்னும் இன்னும் நீட்டிக்காட்ட
என் ஓட்டத்தோடே கூட நகர்ந்துவரவும்
அதை யார்தான் தூண்டியிருக் கூடும்
ஓடியவரை வாரிச் சுருட்டிக்கொண்டு
வெளிகுதித்தோடுகிறேன்
இருள் எனைத் துரத்திவரட்டும்
இனி.

08.01.2017